欧洲惊现「港式车仔档」!布拉格鬼仔卖热辣辣广东点心
如果拣一样最具代表性兼最地道嘅广东美食,拣广东点心应该无乜人反对!近来,一位捷克厨师更深深地被广东嘅「一盎两件」吸引住,早前就喺布拉格嘅街头发起咗个点心车快闪活动,为期两日,旨在带呢款广东美食畀当地人一试,而嚟紧仲会去唔同餐厅做个「点心巡礼」!呢个快闪活动不禁令记者回忆起旧时喺酒楼,都系喺部点心车前笃点心……唔知广东地嘅酒楼又会唔会学似人哋外国咁,保留返属于广东文化嘅点心车呢?
睇捷克厨师蒸起点心嚟都有板有眼㗎,真系忍唔住要讲句:「真系食过夜粥」喎!
我哋平日去酒楼食点心就配壶中国茶,传到嚟外国就配餐酒,呢次真系体现咗中西文化交汇呀!
如果以快闪活动嚟讲,今次呢个pop up 点心车活动提供嘅点心款式都唔算少。睇返以下嘅官方餐单,唔同馅料兼唔同做法嘅饺子,佢哋就统称为点心(Dim Sum),有猪肉、鸭肉、吞拿鱼、火鸡等等都有拣,另外,仲有叉烧包、虾肠同马拉糕都有,虽然卖相同做法唔同咗,但佢哋亦跟足广东「一盅 两件」嘅摆法,每盅点心只有两件!
官方餐牌
各式各样的饺子,有款仲貌似烧卖!
捷克版的马拉糕
DIM SUM pop-up
活动详情:TamarindTreeCZ FACEBOOK PAGE
欢 迎 关 注 新 假 期 微 信 公 众 号:WeekendWeeklyHK